Gästebuch


 

Was dem Künstler der Applaus, bedeutet dem Websitebetreuer ein Eintrag im Gästebuch!

 

 


Kommentare: 33
  • #33

    Hubi (Freitag, 06 Januar 2023 17:35)

    Hallo Myrta
    Schön, weder einisch e nöie Iitrag im Gäschtebuech z'haa!
    Gäschtebüecher send met WhatsApp, Schprochmetteilige ond so i Vegässeheit grote.
    Zor Präzisierig: S'Heidi verantwortet di ganzi Reis. Se het de Vorschlag noch em Chegelobig im Freiämterhof am Vorschtand schmackhaft gmacht, esch glaub ned schwerig gsii, ond mer händ nome no müesse durewinke!
    A dere Schtell vele Dank em Heidi au minere Siite!

  • #32

    Myrta (Freitag, 06 Januar 2023 15:40)

    Das Gäschtebuech sött me doch wieder echli beläbe, drum schriib ich jetz öppis dri und hoffe, es folged mir ganz villi no... ;-))
    Also, ihr liebe Vorschtänd, Homepage-Administrator Hubi und Reiseorganisatorin Heidi,
    ich hoff, ihr seged alli guet grutscht, es göng eu guet und ihr seged gsund und gfräss!
    Die Reis, won ihr ustüftled händ, tönt jo wieder wunderbar! Ich kenn scho einiges, aber ich bi sicher debii und ich freu mi jetz scho druf!
    Allne 55er wünsch ich es tolls 2023, händ eu Sorg und blibed gsund!

  • #31

    Heidi (Samstag, 22 Dezember 2018 09:50)

    Ihr Lieben, es ist geschafft, seit dem 20. Dezember befinde ich mich offiziell im "Unruhestand" und eine neue Lebensphase kann beginnen!
    Diese ermöglicht es mir nun auch wieder vermehrt an den Jahrgängertreffen teilzunehmen! Das 2018 hat diesbezüglich arg "gelitten"!!!
    Ich wünsche euch allen wunderschöne Fest und Feiertage, sowie einen gemütlichen Start ins neue Jahr! Herzlich grüsst und verbleibt HEIDI

  • #30

    Vreni Burch (Samstag, 01 September 2018 17:31)

    Cheibe es schöös Föteli händ Ihr do gschosse i de Oschtschwiiz...... Bravo :-)...

  • #29

    André (Montag, 16 Januar 2017 08:03)

    Hoi zäme .

    ich hoffe, dass s neue Johr au für eu guet aagfange hed. Ich wünsche eu allne Gsundheit und viel Gfreuts. Ihr händ alli s neue Programm überchoo und hoffentlich grad eue Terminkaländer gfüllt, dass ihr mängisch chönd derby sii und mitmache , Chriesilöchler ahoi! Am 20. Januar isch jo scho de Wintermarsch uf Hilfike mit em Raclettässe am Schlossweiher De Winter isch do - mäldid eu doch no aa und kleidid eu in warme Pelz ! Liebi Grüess. André

  • #28

    André (Freitag, 14 Oktober 2016 12:03)

    Hoi zäme , glii träffid mer eus im Freiämterhof Wohle zum fein Ässe und natürlich au für de Sport : Chegle isch uf em Programm. s Doodel zeigt, dass mer noni esoo viel Teilnehmer sind . Also : Mäldid eu doch aa zum en luschtige und sportliche Obig! Liebi Grüess an alli . De Präsi , André

  • #27

    Greti (Sonntag, 21 August 2016 17:53)

    Es isch mir wörkli Ernst, gäll Charly, i dir und im ganze Vorstand und allne wo gholfe
    händ die Reis z`organisiere, z`danke. S`Wetter hed sich ned vo de beschte Siite zeigt,
    aber eso schlecht esch es gar ned gsi wie mir erwartet händ.
    Im Radiostudio händ alli interessiert zueglost und d`Stadtfüherig hed au passt. S chline Säli im Kreuz hed mir ned wörkli gfalle, aber S Esse hed mi mega fein dunkt. Uf de Heireis hämmer chönne bewiese, dass mir no zwäg sind und no lang noni zum alte Iise ghörid. I 3 Minute hämmers spielend gschafft vom einte Gleit zum andere zäckle. Händ ihr mitöberchö wie Sekuritas Freud gha hed a eus! Oder händ die öber eus echli glachet?!
    Egal, mir händs luschtig gha. Nomoll Danke vellomoll a alli und e gueti Ziit. Bis gli herzlich
    Greti

  • #26

    Martilla (Dienstag, 12 Januar 2016 09:23)

    Danke liebe Hubi ,für dini Arbet wo du au hinde dure immer no machsch, Mailadresse aktuallisiere ,Doodleüebige usw !En meeeega Wälle für de

  • #25

    Myrta (Mittwoch, 23 Dezember 2015 23:19)

    Ich wett mi em André und em Heidi aschlüsse: au i tänk no hüfig a die super Reis zrugg, mir händs doch würkli lässig (au sones Wort us üsere Jugendziit, wo hützutags chum meh brucht wird!) gha mitenand!
    Und Hubi, dir möchti es riesigs Kompliment für die coole Gratulatione mache - ich ha mi über jedi einzelni gfreut und bi immer gspannt gsi, was du dir ächt bim nöchste Geburichind ifalle losch.
    Eu allne wünschi ganz schöni, entspannti und fröhlechi Festtäg, en guete Rutsch is 2016 und fürs neue Johr vor allem Gsundheit und vill Freud!
    Händs guet und hebed eu Sorg, Myrta

  • #24

    André (Dienstag, 22 Dezember 2015 12:22)

    Hoi zäme , scho gohd wieder es Johr z'End. Viel dänk ich a eusi tolli Schuelreis is Engadin zrugg. Es isch wunderschön gsii. Glii im neue Johr chömid ihr s neue Programm über. Machid doch mit , soviel as es gohd. Ich wünsche eu e schöni Wiehnachtszyt und es guets, gfreuts und gsunds neus Johr 2016. Liebi Grüess. André

  • #23

    Hubi (Donnerstag, 17 Dezember 2015 16:22)

    Danke för dis Lob, Heidi.
    Ursprönglich hani eigentlech nume em Mario, wo met sim 54-er Johrgang emmer à chlii gliiner esch als mer 55-er, welle gratuliere. Do händ aber no d'Silvia, du Heidi, d'Brige ond, ond, ond... bes z'letscht d'Silvia au no Gebortstag gha. Do demit sends ned 55 aber immerhin 44 Iiträg uf der Schtartsiite vo de 55er Homepage worde.
    Was ech öich Johrgängerinne ond Johrgänger zom Johresänd wönsche, zeigt öich s'momentane Beld uf de Schtartsiite. Zodem hoffi, dass mer is am einte oder andere Aalass in Zwöituusigondsächzähni weder gsehnd - also bes denn!

  • #22

    Heidi (Mittwoch, 16 Dezember 2015 15:32)

    S' chunt mer vor, als seg ich di Einzig wo da inne schriebt..........?!
    Leider hani ah dä Silvia ihrem Geburri nöd chöne debi si.
    Ha det ganz äh struuuuuuuuubi Woche gha!!!
    Wies dä Hubi seid, isch d'Silvia di Letscht vom Jahrgang 55 zum gratuliere gsi und ich
    schlüsse mich ihm nachträglich sehr gern no ah!
    Für jedes vo eus häd dä Hubi 2015 träffendi Wort gsuecht und äs passends Föteli gfunde. Und so möcht ich ihm im Name vo allne für die gross freudbereitend Arbet ganz, ganz herzlich Danke säge!!! B.R.A.V.O. !!!

    Blibt mer eu allne schöni Wiehnacht und än fröhlich, beschwingte Rutsch is 2016 z'wünsche.
    Herzli grüesst Heidi

  • #21

    Heidi (Samstag, 24 Oktober 2015 11:55)

    Liebe Jahrgängerinnen,
    wer Zeit und Lust hat sollte jetzt (!) eine Reise ins wunderschöne Engadin unternehmen!
    Die Lerchen erstrahlen goldgelb, dazu die verschneiten Gipfel - absolut traumhaft!!!
    Schaut mal auf der Online Webcame von Sils Maria rein!
    Wenn ihr euch erinnert habe ich auf dem Weg nach Sils Maria auf das Posthotel Löwen in Mulegns aufmerksam gemacht. Eine wahre Rarität aus längst vergangenen Jugendstiljahren. Nun ist in der Schweizerfamilie ein Beitrag über dessen Geschichte und der Wirtin zu lesen. Vielleicht lest ihr diese mal wenn ihr Gelegenheit habt?!
    An der Metzgete kann ich leider nicht teilnehmen. Aber wir sehen uns bestimmt bei anderer Gelegenheit wieder!
    Ich wünsche allen einen schönes Wochenende und grüsse herzlich aus den Reben
    Heidi

  • #20

    Margot (Sonntag, 18 Oktober 2015 13:58)

    Ganz tolli Föteli, super schöni Landschaft, schad beni nid debii gsii. Liebe Gruess Margot

  • #19

    Greti (Samstag, 17 Oktober 2015 15:38)

    Hubi und Käthi danke vellmoll für die schöne Bilder. Eifach toll! Ech ha die schön Reis nomoll chönne Revue passiere lo. Liebi Grüess a alli.
    Greti

  • #18

    Notti resp. Irène (Samstag, 17 Oktober 2015 10:27)

    Lieber Hubi - ganz herzlichen Dank für die Wünsche und vor allem für das herzige Bildchen zu meinem runden Geburtstag am 10.10. - ich habe mich riesig darüber gefreut :-) !
    Den Tag selber habe ich schon irgendwie anders empfunden, irgendwie speziell ... aber im Grunde ist die 60ig für mich einfach eine Zahl. Das Wichtige und Wesentliche ist für mich die Gesundheit, wie ich mich fühle und dies kann variieren ... manchmal fühle ich mich wie 30ig und oftmals aber auch bereits wie 90ig und mehr ;-) !
    Geniessen wir also jeden Tag der uns geschenkt wird - sie sind einfach nicht selbstverständlich.

    Dir Hubi, Deiner Familie und Euch allen "Jahrgängern" wünsche ich von Herzen, dass Ihr gesund bleibt und all die Tage die Euch/uns bleiben geniessen könnt - lasst es Euch gut gehen und seid herzlich gegrüsst,
    Irène alias Notti

  • #17

    Heidi (Donnerstag, 27 August 2015 09:53)

    Liebe ChriesilöchlerInnen,

    heute ist eure Karte aus meiner zweiten Heimat eingetroffen und hat mir sehr grosse Freude bereitet, ganz herzlichen Dank dafür!!!
    Bis solch eine Reise steht gibt es von allen Seiten immer viel zu organisieren. So ist auch ein Vorstand samt Kassier, Homepageman und natürlich auch der Chauffeur gefordert welche alle ihr Bestes zum Gelingen beigetragen haben!!!
    Und zum Schluss kann eine Reise nur dann in guter Erinnerung bleiben wenn auch die Teilnehmer ihrer Freude Ausdruck verleihen und mit viel guter Laune den Hauptanteil beitragen. Euren DANK geben ich also von Herzen an jedes Einzelne von euch zurück!!!
    Ihr ward ALLE GROSSARTIG!!! Danke für euer Vertrauen und die mir entgegengebrachte Wertschätzung!!! Herzlich Heidi

  • #16

    André (Sonntag, 02 August 2015 20:41)

    Liebi Chriesilöchler , schiinbar händ ihr kei Zyt für en Garteparty bi mir. De Zuefall wills, dass an Zieschtigobig euse Florian vo de Flitterwoche in Kanada heichond und mir ihn gern am Flughafe abhole tüend. Mi Party isch also abgseid, sicher es andersmol. Mer gsänd eus jo scho glii of de Schuelreis is Engadin . Ich freue mich riesig. Bis bald . André

  • #15

    Heidi (Sonntag, 02 August 2015 11:03)

    Hoi zäme, bald ist es soweit und wir geniessen unsere Jubiläumsreise > 3 Tage Engadin.
    Damit die An und Rückfahrt auch musikalisch ein Highlight wird bitte ich diejenigen die über eine fätzige CD verfügen, diese doch mitzunehmen damit wir während der Fahrt gemeinsam "alten Zeiten" frönen können.
    Herzlich grüsst Heidi

  • #14

    André (Montag, 27 Juli 2015 20:38)

    Hoi zäme,

    wämmer eus vor de Schuelreis nomol träffe i mim Garte? Am Ziestig, 4. August, isch en warme , schöne Obig aagseid. Bi mir wäri alles barad : S Esse, s Trinke, s Dessert und de Sportplatz. Also, ihr müend eu nur no aamälde und gueti Luune und echli Fitness mitbringe . Oder sind ihr würkli no alli i de Ferie ? Liebe Gruess. André .
    056 622 95 85

  • #13

    Leuppi Hubi (Freitag, 05 Juni 2015 16:15)

    Jä jooh! Jetzt grad beni zuesätzlech no am schwitze!

  • #12

    Martha (Freitag, 05 Juni 2015 10:57)

    Also liebe Hubi , machsch du au no öpis anders usert eusi Homepage ? Immer alles uf em neuste Stand danke velmol

  • #11

    André (Montag, 20 April 2015 21:13)

    Hoi zäme, de Güüggitreff vom 13. Mai händ d 58er gstriche. Es findet jo es grosses Füürwehrfäscht statt. Liebe Gruess. André

  • #10

    Leuppi Hubi (Mittwoch, 08 April 2015 02:30)

    A dere Schtell dank ech emol för die lobende Wort beträffend Homepage.

    "... hetti sicher au no anders ztue ond zgnüsse ..."
    Jo - Greti, das machi au! So gohni under anderem an Photostream z'Olte ond triffe det ab ond zue de "Pascal vo Killing"!

    Liebi Grüess is Freiamt ond öberall äne, wo sosch no Chriesischtei us em Chriesiloch verschtröit send
    HUBI

  • #9

    küng greti (Montag, 06 April 2015 17:15)

    Das esch aber e Überraschig, d Irène Notter schriibt eus Chrisilöchler.
    Herzlechi Grüess a dich Irène. Chumm doch auch emol mit eus i Usgang,
    egal wenn und wo!
    Au ech, es wird öppe Ziit, möchte em Hubi herzlich danke für die toll Hompage. Das ged Arbet und er hetti sicher au no anders ztue ond zgnüsse:)
    Glichziitig gratuliere au ech allne Chriesilöchler zum Geburtstag und wünsche alles Gueti, Gsundheit und Glück. Mer gsehnd eus uf de Reis,
    das isch für mich Glegeheit zum mitenand fiire.
    Liebi Grüess a alli
    Greti

  • #8

    Heidi (Samstag, 14 März 2015 11:14)

    Liebe Andre, liebi Jahrgänger,

    dä Andre häd rächt, mer weret nur eimal 60gi!! Das wämer doch gebührend fire und eus vo dä eimalige Engadiner Berg und Seewält rundum verzaubere lah. Will ich weiss dass sich leider nöd vill i d' Homepage iklicked, wär's schön wänn die wo aktuell sind, nochli Wärbig mached würded und mit am einte oder andere no Kontakt ufnä würded. Ich wirde i dä letschte Märzwuche mit Heinz go rekonosziere, will vom April bis in Juni nachher alles zue isch!!!
    Ihr dörfed eu würkli freue, ich hamer grüsli Mühe gäh bi dä planig und hoffe sehr mer bringed no äs paar JahrgänerInne meh ane?!
    Dä Charly lad ja än grosse "Batze" us dä kasse springe, also wärded Näbechoschte üsserscht im Rahme si. Also mached nochli Wärbig, damit äh fröhlichi Schar zäme chund!!!

    Liebi Grüess Heidi

  • #7

    André (Freitag, 13 März 2015 18:51)

    Hoi zäme, e Gripp hed mi packt und e Woche lang is Bett gleid, aber i mag glaub grad wieder uf zum Geburi. Jäno, ihr wüssid jo, dass mer dä im Sommer mitenand i mim Garte wänd fäschte und fiire!

    As Präsi schriib ich hütt, will noni so viel AAmäldige für d Schuelreis iigange sind, wie ich ghofft haa !
    Hei ihr liebe Chriesilöchler: Nomol de Kaländer zücke, nomol mit em Chef rede und sääge, ihr werdid nur einisch 60gi! Mit dr Iizahlig a d Charly isch mer definitiv aagmäldet, das setti no bis am 20. März passiere!! S Heidi hed für eus in grosser Arbet die schöni Schuelreis planet und organisiert. Si wird eus di prächtigschte Ort vom Engadin zeige und drei Taag lang eusi Reiseleiteri sii. Das isch doch eifach super. Wieder eimol herzliche Dank jetz scho, liebs Heidi. Ich as Präsi freu mi riesig und wetti gern im ene volle Car reise !!! Liebi Chriesilöchlergrüess und bliibid gsund . André

  • #6

    Irène (Notter) (Montag, 09 März 2015 14:45)

    Hoi zäme - ech möcht mi do jetz au emol mälde, nochdem ech di letschte fascht 30 johr weg gsi be ond jetz weder echli i d'Nöchi zöglet be. Zuefällig (wie's die Zuefäll mängisch so wänd) ben ech vor es paar Täg bim Spaziergang met mim (3.) Änkelchend z'Villmärge im André begägnet ond er hed denn mini Grüess ond Date im Hubi wiitergleitet. Mer alli fiirid jo das Johr doch en "schöne" ronde Gebortstag ond ech wönsche all dene wonen scho gha händ nochträglech vo Herze alles erdänklech Gueti ond vor allem gueti Gsondheit ... aber natürlich au allne wo jetz so noch ond noch ehre 60igst no fiirid: allne es schöns Fäscht !
    Im Hubi möchti ganz es bsonders Komplimänt mache: die Websiite hesch eifach perfekt, öbersechtlech ond informativ gmacht, BRAVO!

    Vellecht gsämmer eus einisch - zuefällig - das Johr, wer weiss ... ond bis denn Eu allne ganz en gueti Ziit ond ganz es "bsonders" schöns Johr.
    Liebi Grüessli, Irène

  • #5

    Margot (Samstag, 31 Januar 2015 16:59)

    Heieiei, das räblet jo nome so mit dene Geburtstag!! All dene wo bis jetzt gfiiret händ wönsch ich gueti Gsondheit, vill Glück ond.... machid wiiter soo.
    Danke Hubi för die toll ond immer nochegführti Homepage.
    S Programm för das Johr isch jo riisig. Ganz sicher beni a de grosse Schuelreis debii. Ich fröi mi scho mega :-) Gruess a alli
    Margot

  • #4

    Heidi (Mittwoch, 31 Dezember 2014 09:26)

    Hüt isch Silväschter und Morn isch Neujahr und wämers nöd glaubsch, dänn nimm di am Haar..........
    Und, am Sunntig 4. Januar fiir ich min 60 Geburtstag.
    Wer vo eu luscht häd mit mir dadruf und ufs 2015 Azstosse isch herzlich iglade am 16.30 Uhr zäme mit dä Guggemusik Tinitus is Restaurant Toscana z'Villmergä z'cho?! Bis det anne hebed eu warm und rutsched guet, aber rutsched nöd us!

    Herzli Heidi

  • #3

    Heidi (Donnerstag, 25 Dezember 2014 00:54)

    Allen Jahrgängern Frohe und gesegnete Weihnachten und einen gesunden Rutsch ins 2015

  • #2

    Mario (Dienstag, 18 November 2014 17:49)

    Hei Hubi, danke velmol för die glungeni überraschig! Ha recht gschtunt wonech mer plötzlich entgegegluegt ha!!!
    ciao bes gli

  • #1

    Hubi (Samstag, 20 September 2014 16:04)

    Der Grundstein zur neuen Homepage der Villmerger Chriesilöchler ist gelegt - das Füllen der noch leeren Seiten kann beginnen! Sofern Ihr Beiträge für die Veröffentlichung habt, schickt mir diese zu!