Liebi Chriesilöchlerinne, liebi Chriesilöchler,

im Früehlig 2020 hämmer wäg em Corona-Lockdown  müesse eusi Schuelreis is Piemont absääge. Mer händ dermit grächnet, dass dä Virus im April 2021 verby wird sii und mer denn die schöni Reis, wo s Heidi perfekt vorbereitet hed, chönd gnüüsse. Leider isch dem gar ned esoo, im Piemont händs zur Zyt wieder mee chranki Lüüt as im Früehlig! Die 2. Wälle ziehd dur ganz Europa. Eus bliibt leider nüd anders übrig, as eusi Reis z storniere, solang  mir das no chönd. S Heidi wird das mache. Was s Johr 2021 wird bringe , weiss zur Zyt no niemer. Bis uf wyteres hämmer also au keis 55er-Programm, keini Küss und keini Umarmige!

Ihr alli händ jo Gäld vorgschosse für d Schuelreis. Will jetz alles abgseid isch, chömid ihr eues Gäld vom Charly wieder retour über. Derzue händ ihr zwee Möglichkeite:

1. Ihr machid öppis ab mit em Charly, er gits euch bar retour.

2. Ihr mäldid per Mail oder Brief im Charly eues Konto und er tued s Gäld überwiese.

Jetz bliibt mer no, euch allne en schöni Wiehnacht ( im Wald) und es guets Neus Johr z wünsche, eis, wo ihr trotz Corona gsund bliibid. Gönd doch eifach viel i d Natur use go spaziere oder im Früehlig go Vögel luege und lose. 

Liebe Gruess
de Präsi André